Peotry.........

********************************************************

Taray honton ke pholon ki chahut mein hum

dar ki khushk tehni pa waray gaey

taray hathon ki shamon ki hasrat mein hum

neem tareek rahon mein maray gaeu

soolion per humaray labon say paray

taray honton ki lali lapakti rehee

teree zulfon ki masti barasti rehee

taray hathon ki chandi damakti rehee

jab ghuli teree rahon mein sham-e-situm

hum chulay aaey jehan tuk laey qadam

lab pe harf-e-ghazal dil mein qindeel-e-gham

apna ghum tha gawahi taray husn ki

dekh qaim rehay is gawahi pay hum

hum jo tareek rahon mein maray gaey

narasai ager apni taqdeer thee

teree ulfut to apni he tadbeer thee

kis ko shikwa ger shoq ke silsilay

hijr ki qatal gahon say sub ja milay

qatal gahon se chun ke hamaray alam

aur niklein gay ushaq ke qaflay

jin ke rah-e-talab se hamaray qadam

mukhtasir ker chulay durd ke faslay

ker chulay jin ki khatir jehangeer hum

jan ganwa ke teree dilbari ka bharam

hum jo tareek rahon mein maray gaey

***********************************************************