jab tera hukum mila tark muhabbat kerdi
dil magar us per woh dharka ke qayamat kerdi...
tujh se kis tarah mein izhar-e-tamanna kerta
lafz soojha to maani ne bagawat kerdi...
mein so samjha tha ke laut aate hain jaane wale
tune jaa ker to judayi meri qismat kerdi...
tujh ko pooja hai ke asnaam parasti ki hai
mein ne wehdat ke mafaheem ki kasrat kerdi...
mujhe ko dushman ke iradon per bhi pyaar aata hai
teri ulfat ne muhabbat meri aadat kerdi...
poochh betha hoon mein tujh se tere kooche ka pata
tere halaat ne kaisi teri soorat kerdi...
No comments:
Post a Comment